in

'ਗੰਨਾ' ਤੋੜੇਗਾ ਰਿਕਾਰਡ, ਖੰਡ 'ਤੇ ਮਿਲੇਗੀ ਰਾਹਤ

ਨਵੇਂ ਖੰਡ ਸੀਜ਼ਨ ‘ਚ ਖੰਡ ਦੀਆਂ ਕੀਮਤਾਂ ਵਧਣ ਦੇ ਆਸਾਰ ਘੱਟ ਹਨ, ਜਿਸ ਨਾਲ ਜਨਤਾ ਨੂੰ ਰਾਹਤ ਮਿਲ ਸਕਦੀ ਹੈ। ਹਾਲਾਂਕਿ ਅਜਿਹਾ ਤਾਂ ਹੀ ਸੰਭਵ ਹੋਵੇਗਾ ਜੇਕਰ ਖੰਡ ਦੇ ਭਾਰੀ ਉਤਪਾਦਨ ‘ਤੇ ਪ੍ਰਗਟ ਕੀਤਾ ਗਿਆ ਅੰਦਾਜ਼ਾ ਸਹੀ ਸਾਬਤ ਹੁੰਦਾ ਹੈ। ਭਾਰਤੀ ਖੰਡ ਉਦਯੋਗ ਦੇ ਇਕ ਵਰਗ ਦਾ ਕਹਿਣਾ ਹੈ ਕਿ ਖੰਡ ਸੀਜ਼ਨ 2018-19 ‘ਚ ਖੰਡ ਉਤਪਾਦਨ 290 ਤੋਂ 300 ਲੱਖ ਟਨ ਦੇ ਰਿਕਾਰਡ ਪੱਧਰ ‘ਤੇ ਰਹਿਣ ਦੀ ਸੰਭਾਵਨਾ ਹੈ, ਜਦੋਂ ਕਿ 2017-18 ‘ਚ ਉਤਪਾਦਨ 250 ਲੱਖ ਟਨ ਰਹਿਣ ਦਾ ਅੰਦਾਜ਼ਾ ਹੈ। 2018-19 ਦਾ ਇਹ ਅੰਦਾਜ਼ਾ ਕੁਝ ਸੂਬਿਆਂ ‘ਚ ਗੰਨੇ ਦੀ ਖੜ੍ਹੀ ਫਸਲ ਅਤੇ ਕਿਸਾਨਾਂ ਦੇ ਬਿਜਾਈ ਦੇ ਇਰਾਦੇ ‘ਤੇ ਆਧਾਰਿਤ ਹੈ। ਜੇਕਰ ਇਹ ਅੰਦਾਜ਼ਾ ਸਹੀ ਸਾਬਤ ਹੁੰਦਾ ਹੈ, ਤਾਂ ਇਹ ਨਾ ਸਿਰਫ ਭਾਰਤ ‘ਚ ਕਿਸੇ ਇਕ ਸਾਲ ‘ਚ ਸਭ ਤੋਂ ਵਧ ਉਤਪਾਦਨ ਹੋਵੇਗਾ ਸਗੋਂ ਇਹ 2017-18 ਦੇ ਉਤਪਾਦਨ ਨਾਲੋਂ ਤਕਰੀਬਨ 40 ਤੋਂ 50 ਲੱਖ ਟਨ ਜ਼ਿਆਦਾ ਹੋਵੇਗਾ। ਨਵਾਂ ਖੰਡ ਸੀਜ਼ਨ 2018-19 ਅਗਲੇ ਸਾਲ ਅਕਤੂਬਰ ‘ਚ ਸ਼ੁਰੂ ਹੋਵੇਗਾ।

ਇੰਡਸਟਰੀ ਦੇ ਇਕ ਵਰਗ ਦਾ ਮੰਨਣਾ ਹੈ ਕਿ ਅਗਲੇ ਸੀਜ਼ਨ ਦੌਰਾਨ ਉੱਤਰ ਪ੍ਰਦੇਸ਼ ‘ਚ ਸੀ0-238 ਕਿਸਮ ਦੇ ਗੰਨੇ ਦੀ ਬਿਜਾਈ 80 ਫੀਸਦੀ ਰਕਬੇ ‘ਚ ਹੋਣ ਦੇ ਆਸਾਰ ਹਨ, ਜਿਸ ਨਾਲ ਖੰਡ ਉਤਪਾਦਨ ‘ਚ ਵਾਧਾ ਹੋਵੇਗਾ। ਉੱਤਰ ਪ੍ਰਦੇਸ਼ ‘ਚ ਇਸ ਕਿਸਮ ਦੇ ਗੰਨੇ ਦੀ ਨਾ ਸਿਰਫ ਪ੍ਰਤੀ ਹੈਕਟੇਅਰ ਉਤਪਾਦਕਤਾ ਜ਼ਿਆਦਾ ਹੈ ਸਗੋਂ ਇਸ ਤੋਂ ਖੰਡ ਵੀ ਮੌਜੂਦਾ ਕਿਸਮਾਂ ਨਾਲੋਂ ਜ਼ਿਆਦਾ ਬਣਦੀ ਹੈ। ਮਹਾਰਾਸ਼ਟਰ ਨੂੰ ਪਿੱਛੇ ਛੱਡ ਕੇ ਉੱਤਰ ਪ੍ਰਦੇਸ਼ ਦੇਸ਼ ਦਾ ਸਭ ਤੋਂ ਵੱਡਾ ਖੰਡ ਉਤਪਾਦਕ ਸੂਬਾ ਬਣ ਗਿਆ ਹੈ ਅਤੇ ਉਹ ਗੰਨੇ ਦੀ ਇਸ ਕਿਸਮ ਦੀ ਬਦੌਲਤ ਟਾਪ ‘ਤੇ ਰਹਿ ਸਕਦਾ ਹੈ। ਇੰਡਸਟਰੀ ਦੇ ਕੁਝ ਲੋਕਾਂ ਦਾ ਮੰਨਣਾ ਹੈ ਕਿ ਇਸ ਸਾਲ ਵਾਪਸ ਜਾਂਦਾ ਮਾਨਸੂਨ ਚੰਗਾ ਰਿਹਾ ਹੈ ਅਤੇ ਕਿਸਾਨਾਂ ਲਈ ਗੰਨੇ ਦੀਆਂ ਕੀਮਤਾਂ ਵੀ ਸਥਿਰ ਬਣੀਆਂ ਹੋਈਆਂ ਹਨ, ਜਿਸ ਨਾਲ ਉਹ ਜ਼ਿਆਦਾ ਰਕਬੇ ‘ਚ ਗੰਨੇ ਦੀ ਬਿਜਾਈ ਲਈ ਹੋਰ ਉਤਸ਼ਾਹਤ ਹੋਣਗੇ। ਉੱਥੇ ਹੀ, ਸਰਬ ਭਾਰਤੀ ਖੰਡ ਵਪਾਰ ਸੰਘ ਦੇ ਮੁੱਖ ਕਾਰਜਕਾਰੀ ਆਰ. ਪੀ. ਬਾਗਰੀਆ ਨੇ ਕਿਹਾ ਕਿ ਹਾਲਾਂਕਿ ਅਸੀਂ ਅਜੇ 2018-19 ‘ਚ ਉਤਪਾਦਨ ਦਾ ਮੁਲਾਂਕਣ ਨਹੀਂ ਕੀਤਾ ਹੈ ਪਰ ਬਾਜ਼ਾਰ ਤੋਂ ਮਿਲੀ ਜਾਣਕਾਰੀ ਮੁਤਾਬਕ ਉਤਪਾਦਨ ਵਧਣ ਦਾ ਅੰਦਾਜ਼ਾ ਹੈ। ਉੱਥੇ ਹੀ ਉੱਤਰ ਪ੍ਰਦੇਸ਼ ‘ਚ ਇਸ ਵਾਰ ਗੰਨੇ ਦੀ ਕੀਮਤ ਵੀ ਚੰਗੀ ਮਿਲਣ ਦੇ ਆਸਾਰ ਹਨ। ਉੱਥੇ ਦੀ ਸਰਕਾਰ ਨੇ ਆਮ ਕਿਸਮ ਅਤੇ ਅਗੇਤੀ ਕਿਸਮ ਦਾ ਮੁੱਲ ਵਧਾ ਕੇ ਕ੍ਰਮਵਾਰ 315 ਰੁਪਏ ਪ੍ਰਤੀ ਕੁਇੰਟਲ ਅਤੇ 325 ਰੁਪਏ ਪ੍ਰਤੀ ਕੁਇੰਟਲ ਕਰ ਦਿੱਤਾ ਹੈ।

This post was created with our nice and easy submission form. Create your post!

What do you think?

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%